Chenocidio armenio

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Se conoix como chenocidio armenio ye o conchunto de mortaleras d'armenios que han feito os suyos vecins kurdos, turcos y azerins. Encara que o numero de victimas supera amplament o millón, bels gubiernos como o turco u lo israelín no lo reconoixen.

As fuents armenias parlan de tres fases en o chenocidio:

• A primera fase estió cuan o zaguer soldán otomán Abdul Hamid, que ninvió a los hamidiye kurdos y se calcula que morioron 300.000 armenios.
• A segunda fase estió cuan a I Guerra Mundial baixo o mandato d'o gubierno d'os Chóvens Turcos, encara que s'estima que a mayor parte d'as mortaleras estioron obra d'os guerrillers kurdos. Se calcula que as victimas estioron entre 600.000 y 800.000. Tipicament mataban a los hombres en as casas y deportaban a las mullers y ninas, a las que feban andar dica ta desiertos d'o sud, y si no moriban de camín u yeran raptatas de camín, remataban morindo de fambre y sete. Tamién i heba campos de concentración on moriban os armenios por maltratos u de fambre, como un que liberoron os franceses en o suyo abance por Siria.
• A tercera fase ye menos documentata, os armenios encara denunciaban o chenocidio en as primeras decadas de mandato de Mustafa Kemal, cuan Anatolia Occiental quedó sin población armenia, por refuchiar-se en l'Armenia Oriental.

En os tiempos d'as dos zagueras fases tamién os azerins feban mortaleras, encara que en menor mesura, por tener menos medios, y tamién i habió muitos civils armenios muertos cuan a guerra con Cheorchia.